Brudiñ ar genskoazell etre an dud
Harpiñ ar vugale hag o zud, gwareziñ ar vugale o deus dober, herzel doc’h ar baourentez hag an dispellerezh, harpiñ degemererion an RSA da gavout labour en-dro, skoazelliñ pep unan evit ma ne chomo hani a-gostez, sikour ar familhoù da gavouet lojeris hervez o feadra, aesaat buhez pemdeziek an dud nammet ha sikour an dud oadet da gozhiñ mat : Doc’h ho sikour e vez Departamant ar Mor-Bihan e pep prantad ag ho puhez hag hini ho kerent.
A-c’houde 2021 hon eus lakaet mab-den e-kreiz hon obererezh evit an departamant.
David LAPPARTIENT
Prezidant Departamant ar Mor-Bihan
Terkiñ an tiriadoù ha modernaat an danframmoù
Kempenn an hentoù-departamant hag an danframmoù, krouiñ hentoù divrodegoù suraet evit aesaat ar monedoneoù doujus, gwareziñ hor glad natur, harpiñ diorren an tiriadoù, brudiñ an touristerezh er Mor-Bihan : get an Departamant e vez lakaet argant ha kinniget traoù nevez evit donet da benn ag an daeoù a vremañ hag evit ma vo hon departamant ur skouer a-fet an diorren ha kalite buhez an holl.
Aesaat ar beviñ mat er Mor-Bihan
Sevel ha kempenn ar skolajoù, gober àr-dro servij ar predoù, degas aozioù mat d’ar skolajidi da c’helliñ bleuniñ ha gober berzh, bout doc’h o skoazelliñ da seveniñ ar pezh a vennont gober, souten ar poellgorioù sport hag ar c’hevredigezhioù, brudiñ hor glad puilh ha skouerius evit roiñ lañs d’ar sevenadur : labourat a ra an Departamant evit sevel un endro beviñ ma c’hell pep unan bleuniñ.